Oceani3 egitasmoa: Berrikuntza irakaskuntzan eta ikaskuntzan, ekonomia urdinaren enplegagarritasuna eta mugaz haraindiko erronkak

 

Oi3 egitasmoaren barruan erronka bat aurkeztuta, ikasleen gaitasunak gaur egungo ekonomia urdinaren lanpostu eta aukeretara garatzen eta egokitzen lagunduko duzu, eta, halaber, ikerketa- eta ikaskuntza-komunitatearekin elkarlanean arituko zara.

 

Euskal Herriko Unibertsitateak, Bordeleko Unibertsitateak eta Euskampus Fundazioak lankidetzan dihardute Ocean i3 POCTEFA egitasmoaren barruan, helburu nagusi hau harturik: ekonomia urdinaren testuinguruan garapen jasangarriari buruz sentsibilizatzea eta publiko desberdinak eratzea, eta, horrezaz gainera, itsasoen balioespenari eta jasangarritasunari lotutako erronkei aurre egitea mugaz gaindiko lurraldeko eragile sozioekonomikoekin batera.

«Unibertsitate Zibiko»aren ikuspegia baliaturik, Ocean i3 unibertsitate-komunitatea (irakasleak eta ikasleak) ez ezik euskal eta akitaniar kostaldeko eragileak ere batu nahi dira; hartara, guztiek batera jorratuko dute gure erronketan identifikaturiko arazo nagusia: PLASTIKOEK ITSASOAN ERAGINDAKO KUTSADURA.

Ocean i3 egitasmoan proposatzen eta lantzen diren erronka errealek balio erantsi handia ematen diote gure ikasleen ibilbideari, haien ezagutzak baliagarriak baitzaizkie eragile sozioekonomikoen eta lurraldearen errealitate eta premiak alderatzeko. Egitasmo hori, halaber, aukera egokia da unibertsitate-komunitateak benetako premia horietan oinarritutako ezagutza eta diziplina arteko hurbilketak eskain ditzan.

Proiektuotarako hautagaitza aurkezteko eta segimendua egiteko, Oktonine plataforma birtuala baliatu behar da (www.oktonine.com). Haren bidez, ikaslea inplikaturik egongo da egitasmoan, eta une oro kontsultatu ahalko du zer aurrerabide duen proiektuak.

Hona hemen Ocean i3 proiektuaren barruan eginiko jardueren laburpen bat, iruditan jasorik (bideoa).

 

Helburua da ikasleek proposaturiko eta ikasleak aukeraturiko erronka hau gradu- edo master-amaierako ikerkuntza-proiektuan edo doktorego-lanean barneratzea, betiere hainbat diziplina jorratzen dituen ikuspegi kolaboratiboz. Era berean, praktika-kontratuak ere lortu ahal izango dira, erronka batekin edo hainbatekin loturik.  

Hori horrela, ikasle batek baino gehiagok landu dezakete erronka bera, diziplina desberdinetakoak eta unibertsitate banatakoak izanik ere. Hartara, elkarri lagunduko diote arazoak hobeto ezagutzen eta arazooi konponbideak topatzen. 


Elkarlana artikulatzeko, hainbat eragilek esku hartuko du:

  • erronka bat proposatzen duen babeslea, eta haren jarraipena egiten duena (enpresa bat, elkarte bat, kolektibitate bat...); 
  • hainbat diziplina lantzen dituen ikasle-talde bat; ikasleok erronka horri erantzuten edo ekarpenak egiten jardungo dute;
  • irakasle-talde bat, ikasleei beren helburuak lortzen eta egitasmoa mamitzen laguntzeko; 
  • egitekoen arduradunak, egitasmoa kudeatzeko eta babes teknikoa emateko.

Proiektua gauzatzeko, egokituriko metodologia bati jarraituko zaio, ikasleek ahalik eta emaitza onenak lortzeko eta, horrezaz gainera, ekonomia urdinaren gaitasun transbertsal eta espezifiko berriak eskuratzeko. Ocean i3 egitasmoak hainbat eginahal proposatzen ditu, hala nola banakako eta taldeko lana, zuzentzea, irakasgai espezifikoak, irakasleek eskainitako jarraipena eta gidaritza, komunitatearen barneko komunikazioa eta mugaz gaindiko lan-tailerrak antolatzea.

Erronka bati aurre egitea erabakiz gero, ikasleak gutxienez bi lan-tailerretan parte hartu beharko du, aukeraturiko erronkaren inguruan sortutako taldearekin. Tailer horien helburua izango da premiak egokitzea, zehaztasunak eta aholkuak ematea eta proposamenak jasotzea. Behean daude jasota tailer horien datak.

Gonbidatutako entitateak askotarikoak dira (publikoak nahiz pribatuak; inguruneari, hezkuntzari, osasunari, uraren kalitateari, komunikazioari, teknologia digitalei eta abarri lotutakoak); proposaturiko erronka guztiak ongi etorriak izango dira eta elkarrekin egokitu ahal izango ditugu.


Erronkak zehazteko esteka erabilgarriak:

  • Mindmapping 20-21 proposamenak esteka : Erronkari heltzen laguntzeko, aurtengo edizioan jasotzen diren diziplinak ez ezik Ocean i3 egitasmoko irakasle-komunitateak ikasleei erronketara hurbiltzeko eskainitako arlo tematikoak ere ageri dira honako 20-21 kartografia tematiko honetan    


Ocean i3 egitasmoa: erronketarako egutegia 

  • Erronken hautagaitzak irekitzea Oktonine plataforman: 2020ko abenduaren 15a
  • Eskura diren Oi3 proiektuen arduradunak, orientabideak eta egokitzapenak eskaintzeko, 20/12/15 eta 21/01/08 bitartean
  • Hautagaiak berrestea: 2021ko urtarrilaren 8an, 12:00etan
  • Urtarrilaren 15etik 30era, erronkak eskuragarri egongo dira plataforman, ikasleek erabakia hartzeko eta hainbat diziplinatako taldeak osatzeko

Workshops :

  • Mugaz haraindiko LAN-TAILERRA: 2021eko otsailaren 5a, ostirala

Hautaturiko erronken abiarazpena eta aurkezpen ofiziala. Talde-lana, identifikaturiko premiak baliozkotzeko eta lehendabiziko ekintza-plana mamitzeko.(Formatu birtuala izango du, jardunaldi erdikoa; nahitaezkoa izango da parte hartzea.

  • Mugaz haraindiko LAN-TAILERRA: 2021eko apirilaren 16a, ostirala

Erronken aurrerabideak eta trukeak egiaztatzea eragile sozio-ekonomikoekin.(Formatu birtuala izango du, jardunaldi erdikoa; nahitaezkoa izango da parte hartzea.)

  • Mugaz haraindiko LAN-TAILERRA (amaiera): 2021eko ekainak 25, ostirala

Proiektuak entregatzea eta amaierako aurkezpena. (Formatu birtuala izango du, jardunaldi erdiz, edo aurrez aurrekoa jardunaldi osoz; nahitaezkoa izango da parte hartzea.)

 


¿Nola aurkeztu erronka bat?

Oktonine plataformara erronkak bidaltzeko bi urrats: 

01 urratsa: Kontua sortzea

  • Ondorengo estekaren bitartez https://euskampus.oktonine.com.

  • sartu Oktonine plataformara zure elkartearen doako kontua sortzeko. Egin klik “izena eman" atalean eta ondoren "sartu aditu gisa". Bertan, bete formularioa elkartearen izena idatzi edo batuko zeran elkartearen izena adierazi. 
  • Sartu zure posta elektronikoan eta baieztatu zure helbidea botoian sakatuz. 
  • Behin kontua sorturik, Oktoninek balioztatuko du 48h ordu bitartean. 

Informazio gehiagorako, hemen duzu kontua sortzeko prozedura guztiaren azalpena: https://docs.oktonine.com/guide/manager/Users_accounts.html#companies

02 urratsa: Aurkeztu erronka bat

  • Behin zure kontua aktibaturik dagoela, hasi saioa eta egin klik “deialdiak” atalean. 
  • Sakatu "Oceani3 egitasmoa: Berrikuntza irakaskuntzan eta ikaskuntzan, ekonomia urdinaren enplegagarritasuna eta mugaz haraindiko erronkak" irekitzeko. 
  • Ondoren sakatu “erronkak” atala eta ostean “proposatu erronka”. 
  • Bete formularioa “irekia” kategoria hautatuz. 
  • Gorde zure erronka
  • “Kolaboratzaileak” lehioan, gehitu kolaboratzaile bezala: Julieta Barrenechea eta Cecile Agullo, lagundu zaitzaten.

Proposamenak aztertuak izango dira eta Oi3 taldea zurekin jarriko da harremanetan ahalik eta azkarren.

Informazio gehiago behar izanez gero, hona hemen erronka bat gainditzeko prozedura : https://docs.oktonine.com/guide/entreprise/Challenge_proposal.html#submit-a-challenge-to-a-call-for-challenges

Irrikaz gaude zuen proposamenak jasotzeko!

Harremanetarako pertsonak:

Proiektuaren edo erronka honekin loturiko antolaketaren edo bestelako tasunen baten gaineko galderarik izanez gero, ipini harremanetan bi kide hauetakoren batekin:

Julieta Barrenechea ou Cécile Agullo 

Ocean i3 egitasmoko taldea:

oceani3@euskampus.eu

Oktonine plataforma erabiltzearekin loturiko zalantzarik izanez gero, bidali mezu elektroniko bat :

contact@oktonine.com